ازرع | Azr3

Descripción

ازرع وقتك. كل جلسة تركيز تزرع شجرة في واحتك تذاكر ساعة ؟ تزرع شجرة. تفشل الجلسة؟ تذبل. بهالبساطة يتحوّل انضباطك اليومي إلى واحة تكبر معك. كيف يشتغل ؟ • اختر مدة الجلسة ونوعها (مذاكرة، عمل، قراءة…) • حط جوالك على جنب وخلي الحلقة تعد • كمّل الجلسة و تنغرس شجرتك في الواحة الصلاة أولًا التطبيق يعرف مواقيت الصلاة (أم القرى): ما تبدأ جلسة وقت الأذان، واستراحة الصلاة ما تنقص من استراحاتك أبدًا. القفل حدد التطبيقات المشتتة واقفلها بجدول ثابت — دوام، مذاكرة، نوم — حتى بدون جلسة. (عبر Screen Time، بإذن واحد منك) ذاكروا سوا غرف خاصة لك و لأصحابك بجلسات متزامنة صامتة ، وجلسات عامة مجدولة كل يوم بتوقيت السعودية. أضف أصدقاءك وشوف مين «في زرعة» الحين. إنجازك موثّق إحصاءات هادئة بأرقامك الحقيقية: سُقياك المتتالية، ساعاتك، أقوى أيامك — وبطاقة أسبوعية جاهزة للستوري بلمسة. تفاصيل تحبها • «نبدأ مثل آخر مرة؟» — التطبيق يتعلم عاداتك ويجهّز جلستك • سماء الواحة تتغير مع وقت صلاتك، والمطر ينزل إذا أمطرت مدينتك • ودجت للشاشة الرئيسية وLive Activity على شاشة القفل خصوصيتك محترمة بدون إعلانات. بدون اشتراكات. تدفع مرة وحدة وياخذك التطبيق كله. بياناتك محفوظة في iCloud حسابك أنت. صُنع في السعودية

تحديث كبير، وإذا عندك جوال وآيباد حدّث الاثنين عشان تتزامن بياناتك صح. معالم السعودية • أكثر من ٥٠ معلمًا سعوديًا تزرعها في واحتك: برج المملكة، المصمك، مرايا العلا، قصر شبرا، قرية أشيقر، قلعة تاروت، محطة سكة الحجاز، بوابات الجامعات ودوّارات المدن وغيرها. • معالم نادرة تنفتح بالبذور، ومعها «خضران» أندر شي في التطبيق. • قسم «معالم السعودية» صار أول شي في المشتل. • «نباتات السعودية»: سبع نباتات من أرضنا بقسم خاص فيها. • العريكة الجنوبية انضمت لحلويات الواحة. أصوات تعطي التطبيق حياة • أصوات قصيرة لبداية الجلسة ونهايتها، والاستراحة، والإيقاف للأذان، والزراعة، والبذور، والإنجازات، والشراء، والرفيق وغيرها. • تسكت مع زر الصامت، وما توقف القرآن أو أي شي تسمعه من تطبيق ثاني، وتقدر تطفيها من الإعدادات. الواحات والمناطق • صور جديدة مرسومة لكل منطقة. • كل منطقة لها نبتتها في حفل الوصول، وعلامتها، وأجواؤها، وجملتها بعد الجلسة. • واحتك تاخذ اسم مدينتك، مثل «واحة جدة». • مدن جديدة في مواقيت الصلاة، منها الدرعية وفرسان وفيفاء. البذور والدكان • بذرة لكل ٣ دقائق تركيز، والمكافآت تنحسب فوقها. • «الدكان»: باقات بذور تدعم استمرار ازرع وتسرّع تقدمك، والمذاكرة تبقى الطريق الأصلي للبذور. التحديات والأهداف • «صُحبة الفجر»: تحدٍ أسبوعي، ذاكر ثلاث صباحات بعد الفجر واكسب بذور إضافية. • أهداف مخصصة: حدد الوقت اللي تبيه بنفسك، ولأي مدة. الجلسات • «تراجع»: عندك ١٠ ثواني تلغي فيها جلستك الفردية إذا بدأتها بالغلط، بدون أي أثر. • الجلسة اللي تكمل بعد منتصف الليل تنحسب دقائقها كاملة، وكل يوم ياخذ نصيبه. • الساعة صارت تنحسب ٦٠ دقيقة كاملة بدل ٥٩. • «جلسة جديدة» يرجعك للرئيسية تختار نوع جلستك ومدتها. • تنبيه لما تخلص الاستراحة. صدارة الجامعات • تبويب «دائم» يحفظ ساعات جامعتك طول الوقت، مع «شهري». • أبطال الشهور السابقة، وشعار لكل جامعة وكلية، وكليات جديدة منها كلية محمد المانع وكلية سليمان الحبيب. • جلساتك بدون إنترنت تنحسب لجامعتك أول ما يرجع الاتصال. الغرف والأصحاب • «الوقت المشترك»: صاحب الغرفة يحدد مدة وحدة للكل. • تقدر تغيّر اسمك في الغرف من شاشة الغرفة نفسها. تحسينات في الواجهة • «اعرض البطاقة وشاركها» صار أول شي في إحصاءات الواحة. • الدكان فوق خطة اليوم في الرئيسية. • المواد: غيّر الاسم واللون والمجموعة، أو احذف المادة، من أي مكان تشوفها فيه. • دفتر الجلسات يعرض صورة منطقة كل جلسة. المزامنة والإصلاحات • المزامنة بين الجوال والآيباد صارت أسرع وأوضح، وشاشة المزامنة تقول لك الحقيقة بدون رسائل مخيفة. • إصلاح مشكلة كانت تنقص دقائق الواحة عند بعض الطلاب بعد ربط جهاز ثاني، والواحة ترجع لدقائقها المسجلة في جلساتك. • إصلاح إغلاق التطبيق عند مشاركة بطاقة الواحة. • ما ينخصم منك شي مرتين لو اشتريت من جهازين. • تحسينات كثيرة في السرعة والثبات واستهلاك الإنترنت. شكرًا لكل اللي أرسل لنا ملاحظاته، أغلب هالتحديث من اقتراحاتكم.

Información

Vendedor

Mashal Mohammed

Categoría

Productivity

Versión

1.2.0

Requiere

iOS 18.0+

Tamaño

89.0 MB

Clasificación por edad

4+